Təbrizdə “Bütöv Azərbaycan” sədası “Traktorsazi” azarkeşləri şüarlar səsləndirdi

Baxış sayı: 245

Təbrizdə keçirilən futbol matçında azarkeşlər kütləvi şəkildə siyasi şüarlar qışqırıblar.

ATV.az xəbər verir ki, olay Təbrizin yerli klubu “Traktorsazı” ilə Tehranın “İstiqlol” komandalarının arasında keçirilən çempionat oyunu zamanı baş verib. Təbriz stadionunu doldurmuş minlərlə azarkeş bir ağızdan “Azərbaycan” deyə şüarlar səsləndirib, daha sonra “Təbriz-Bakl-Ankara, farslar hara, biz hara” şüarı hayqırıblar. Baş verə biləcək iğtişaşların qarşısını almaq üçün stadiona hüquq-mühafizə orqanlarının xeyli əməkdaşı cəlb edilib. Onu da qeyd edək ki,dekabrın 28-də Tehranda keçirilən “Persipolis”-“Traktorsazı” matçında tehranlı azarkeşlər cənubi azərbaycanlıların ünvanına təhqiramiz şüarlar qışqırıblar. Təbrizlilər isə bu təhqirə belə cavab veriblər. Xatırladaq ki, təbrizli futbol azarkeşləri illərdir stadionda bu şüarları səsləndirirlər. Hətta kütləvi aksiyalar keçirilən Məşhəd, Qum, Tehran kimi şəhərlərdə tam sakitlik olanda Təbriz stadionunda həmişə bu cür şüarlar səslənir, transparantlar qaldırılırdı.

ATV.az